انا ماكرهتش لسه يا بلـــــــدى

لسه بشوفك أهلى وسَـــــــندى

لسه بقول على خَــــدك وردى

وانت مازلتى راضــيه ببعدى

وبحيرتى ولهفتى على ولـدى

أطـلب راحـــتك انت تعـــاندى

أنزل ساحتك تكـــسرى زنـدى

أفتحلك أحــــضانى تســـــــدى

أبنى جسور الـود تهــــــــــدّى

أجى فى صـفك تشهدى ضدى

زعلانه منى؟ ،سامحى وعـــدى

أصل غــــباوتى مكــــاتش بيدى

ولا تفكــــــيرى فى حبك وحدى

ولا كان زعلك ضمن مقاصـدى

الصبر حبر القلم 

والحلم  شمعه وضي

يا موجوعين م الألم

 لسه إللي أحلي جي

متستعجلش علي حلمك

مفيش طعم لهوي مرتاح

قوم إسقي الحلم من ألمك

هيرجع حبك إللي راح

حبيبك اللي فاكره بعيد

في نفس الحلم بيفكر 

بتتنهد هو برده اكيد

بيتنهد ومتأثر

تشوف الورد تفتكره 

يشوف الورد يفتكرك

تقضي الليل مع صوره

يقضي الليل مع صورك

وأرواحكم بتتقابل وتتكلم 

برغم البعد والمسافات

لو إتألمت يتألم

حبيبك حلم عمره ما مات 

سيد فهيم