الَأَسّمر إللّى فى جَنوبى 

جَاب الجِنان ليا 

وأنا م الشَمال يا نُوبى 

بس الجنوب غِيه 

مَليح لو لَمس تُوبى 

أموت  مليش ديه 

-----------

سيد فهيم

(مفيش إحتمال )

عشان تبقى عارفه 

مفيش احتمال

يا أبيــــض يا إســود

 يامعدول يامال

ياعاشق تُرابك 

ونيله شَرابك

ياظالم جنابك

 وناهى الوصال

يا عايش فى خيرك

 وفاكر جميلك

ياناســـى وناهــب

 ف قوت العيال

يا حامى حدودك

 وصــاين عهودك

ياخــــاين وهاين

 ومـــــوته حــلال

يا ماشى فى سِربك 

يمهد ف دربك

يا إما يحاربك 

بخــيل وبجمال

يا ساجد فى مسجد

 ياعابد ف معبد

يمارس شعايره

 على أى حال

يا عابس ويائس 

خلا ص سبنا خالص

ياسيدى احنا نقدر

 نجيب المحال

يا مصرانت فاهمه

 اللى عاوز مساهمه

وفاهمه اللى كاره

 معانى الجمال

وعارفه اللى سبّك 

ودارى انه حبك

وعارفه اللى معرفش

 حبك وقال

وعارفه اللى سرّك 

ف حلوك ومرّك

وعارفه اللى ضرّك

 وجابلك وبال

حبيتى الحكايه

 مهياش  أسامى

هتنوى تعمر

 تبطل جدال

متفضلش دايماً

 تشاور بسيفك

ولا بشال ولحيه

 وطاقيه  وعقال

أبوس إيد ترابك

 تجاوبى السؤال

يامصر أنت حافظه

 أسامى الرجال

رجالك يا مصر 

إللى حاربو عشانك

ونالو الشهاده  

وأدو الامانه ونالو المنال 

ورجعو لمصانعك 

ودابو ف مزارعك

سوى يدواحده

 صليب او هلال

نوايا سليمه

 واخلاص وقيمه

دا اكبر جريمه 

النفاق والضلال

****

سيد فهيم 

نشرت بالمصرى اليوم 

         (حُسنُكِ كونُُ وعالم )

وأهواك قدراً من العشق يكفى

                 لكل المحبين من جنس  أدم

    فأنت من العشق صرحُُ بكفى

             وأنت من الحسن كون ُُوعالم

    ثلاتون يوماً هواكِ إعترانى

                 بنزفٍ ولهفٍ وشوق ٍدفين

     وبالعين اشكو اليكِ هوانى

                  فجودى عليا بوصل مبين

 أنيرى ظلامى أطوف الوجود

              وظلى كما أنت حد المكارم

    وإن تقتلينى فحسبى اعود

              قتيل تمنى على الوهم عائم

                   سيد فهيم 

----------------ثلاثيات--------------
أمل
-------
يبقى الحجر صوان 
ومحالة ييجى فى جنب...
تبص تلفت عنيك 
وتقول دا ينطق؟ صعب!
تصبر تكون كلمته
نبعه وورده ودرب... وعجبى
-----------------------------------------
نظرة
-------
عاملنى زى البشر
وكفاية تتغابى
واعطف عليّا بقى 
هو إحنا فى غابة؟
الكرسى ولّا العيش 
يا سلطة غلابة... وعجبى
-------------------------------------
سفه
------
قال السفيه للغبى 
أنا أغبى منك وأجهل
أنا كنت عارف حقيقتى
وصممت ما أخجل
عيبى وعميت عنه 
لحد ما استفحل... وعجبى
---------------------------------
هدم
-------
لو هدوا بيت الولى 
على راس مريدينه
وضاع أمان البلد
والعبد خان دينه
دا يبقى زمن الجهالة
وأبالسة سايدينه... وعجبى
------------------------------------
وصاية
--------
مين عينه فى الأرض
يا خلق مين خلّاه
يمشى كدا بالعرض
يفسد فى خلق الله
ما ترد لو فى رد 
ولا انت صوت وآداه... وعجبى
--------------------------------------
كفاية
-------
سواد القلب لو سبناه
وهوناه  يهد الصبر
دا ضيّع كام سنة م العمر 
وخلى الحلو يطرح مر
كفاية دا التاريخ إنتم 
ولو هنتم يهون العمر...وعجبى
-----------------------------------
سيد فهيم 
نشرت بالمصرى اليوم5-11-2011

علميـــــــــــنى إزاى أحبّك

ماأنتى شــاطره ف العلام

رسّى قلبى إزاى يقولك

 أحـــلى كلــمه فى الكلام

غرقينى فى عــــــــــــيونك

وإن سرحت سبينى أنام

وف دماكى بقلبى هسبح

أصـــــلى ماشبعتش غرام

أنت شــــــمس يدوب بتطع

بدر فى ليلة التـــــــمام

انتى جنه فى خيالى 

مـــــن نهارى للـــــــــظلام

إنجـــــــــدينى قلبى دايب

حالتى تصعب ليا عام 

وعلــــــــمينى إزاى أحبك

ماأنتى شاطره ف العلام

----------------------

 سيد فهيم

   (إمرأه سطحيه )

سحقاً لإمراةٍ لا تدرى     

   إ لا السطح عن الاشياء 

فهى تعشق وجه البدر    

 ولون البحروسطح الماء

وتردد فى العشق كلاماً    

     دون تحفظٍ دون حياء 

كضعيف الإدراك يبالغُ   

 فى الإضحاك وفى الإبكاء

سقط قناعها وسط جدالٍ   

   سخرت فيه من الحكماء 

حسبى أنى أعلم أنك 

        عقلاً ممتلأُ بهواء 

أرض لا تنبت أشجاراً 

   نهلا يهب الناس جفاء

إن ترقى تشبيهاً عندى  

 فبالشيطان أو الرقطاء

إبليساُ قد أصغى زماناً  

      أما أنت فلا إصغاء 

 إعلمى أن العشق حياءٌٌ     

  وإعلمى أن الناس سواء

هم عينان وقلبا ينبض   

     لا أجساماُ أو أسماء

سيد فهيم 

مين أنا ؟؟؟؟؟؟؟؟

أنا اللى بكتب اغانى

لكنى مبغنيش

وأرسم صور مُبهجه 

والبهجه متطولنيش

وأسعد ساعات وقتكم

-وأنا ساعتى مبتمشيش

وأحب اشوفكم قوى

وأنتم مبتشوفنيش

فى ناس تعيش للناس 

وناس اخرها تعيش

*********

انا إللى كلى أمل 

وانا إللى كلى ياس

عنيف قوى فى ثورتى 

-وأنا برده اهدى نفس

جوايا ميت مسأله

بترفس فى عقلى رفس

تتوه فى معنى الإجابه

وألاقيها تهمس همس

هو انت فعلا انت

-ولاّ انت صوره وبس

**********

يا تولتومية معضله 

-فى النفس محتاره

مغصوبه ع الطبع دا 

ولا انتى مختاره

 دا معدش فيكى خلا

ومن الخلا منهاره

عنيده عند الجبل

-وبتيجى بإباشاره

قريبه قوى دمعتك

-وقــــــويه جباره

*********

متأجليش الكلام 

-ما تقولى بقا إنطقى!!!!!! 

ولا انتى وقت الجد

على الجد تتريقى

وييجى وقت السمر

-على الغم ليه تسبقى

ذنب اللى جنبك ايه

-عليه بتتخلقى 

لا فيك شئ يتحب

-ولا فيكى شئ منطقى

***********

متزعليش من كلامى 

أنا شكلى عنت إتنين

ولا تلعنيش الزمن

ولا تبكى ليكى عين

صوت النحيب لو على 

-الصبر أجيبه منين

وسكتى مسكتيش

الخلق مش سامعين

قولى على إللى إحتار

               فى الاصل هو مين؟؟؟؟؟؟؟؟؟؟؟

---------------------

قلم \سيد فهيم

(بلغوا أمي) 
أنى قد نَحيتُ هَمي
وأن تحت نِعال أمى 
كلُ من أشقاه إسمى 
أكثروا لعيونَ أمى من حُلو الكلام ...


وأنزعوا من بين شَفتيها إبتسام 
أخبروها كي تَنام
بَلِغوا أُمي السلام 
*********
قُولوا فى سَرد الرِوايه 
أن حُزن الحَرف في شِعري هِوايه
أن ذَاك الدمع فى تلك الزَوايا 
ليس الا لوزن حرفى والكفايه 
ليس حُزني 
إن عَيناى سَعيده
وصوت مَرحى 
كاد يعصِفُ بالقصيده
ولحن تغريد الحروف فى تلك الجريده 
لأنها فى حضن من أهوى قَرِيضَه
*********
صَدقينى يا مَلاكى 
إن رَوحُك تَجتَبيني
ولمعُ عَينُك حِين أكتبُ 
فى هواكِ يعتريني 
أمى لا أُخفيكِ سراً 
إن من أعطانى صبراً 
كون كُفرى بالمشاعر
التى تحتاجُ جهرا 
ماالسعادةٌ ؟؟؟
حين تَنطِقُ أخرى إسمى ؟؟؟
وبين قَلبها واللسانِ 
شيطانانِ حد علمى 
أما أمى 
تلك من دم الفؤاد فيها دمى 
تلك من قد علمتنى 
بالفعال وبالكلام 
أن أُنقّى العيش والأشياء
من أكل الحرام 
أننى إن دُمت أُعطى 
لن أُضام 
********
رسّخ التاريخ فى حَكايَاها عِبَر 
أن كل من أكل الحرام قدإنكسر 
أخبرتنى 
أن لا مردود إن  تُسب أو تُذم 
ثمةُ شيئاً فى الحياةِ لا يَهُم 
سوى أن تبقى لله رجالا
يابن تلك البطن عِزُك ليس مالا
هذه أمي قدس عينى والإماما 
لا من تغض الطرف عن مالا ---------؟؟؟؟؟؟
سيد فهيم

إكتب

(إكتب إكتب)
إكتب إكتب وأوعى تكدب
قول كلام موزون مرتب
 الكلام لو بات يا صاحبى
 ف قلب شاعر قلبه يتعب
  قول ف حلوك قول فى مرك
 حب خيرك ذم شرك
بوح لحد أمين بسرك
 قوله مين همّك وسرّك
  إمدح الناس البريئه
وإفضح الناس البزيئه
خلى صوت الحق عالى
 الحقيقه إيد قويه إيد جريئه
 إمشى دندن فى الشوارع
إكسّر الماضى بمضارع
وإن لاموك أو شالو منك
 حب و أنت بقلب ناصع
 خاين اللى يبيع ضميره
 وإللى يكسر قلب غيره
 وإللى أصله وإللى فصله
والضلال سيره ومصيره
 أوصف الورد ف جناينه
 بُوس خُدود بُستانى صَاينه
 واللى مدّ الأيد مساعده
 واللى عاين الله عاينه
 إرسم الافراح بِقلمك
حتى لو كان عز ألمك
 صوره حلوه خيالك
تِسعد الملايين برسمك
إبتسامه وبالسلامه
مش هتغلب فى إبتسامه
 مش هتخسر مش هتنقص
إنما هتسيب علامه
سيدفهيم 

هتجرح وأداوى 

-----

هتجرح وأدواى 

وتجرح وأدواى 

ومن خيط همومى 

راح أنسج غناوى 

هكتب عشانك 

وهرحل عشانك 

ويمكن اخطى 

حدود المدى 

وأزلزل كيانك 

وأجيلك مكانك 

وألقى إنتظارك 

بطعم الندى 

سيد فهيم 

حُلم

بيوم ما سألقاكِ 

 أوافيكِ بأخبارى
سأبحثُ عنك فى ذاتى
بأناتى وأفكارى 

سـأتينى بأحلامى 

بدفترى أو بأشعارى 

بدربٍ كنا نسلكه 

ولمسك خد أزهارى 

سأصبر حتى ألقاكِ

ويسلو الصبر من صبرى 

ويأتيكِ لينهاكِ

فتأبى فينطوى قدرى 

على صبرٍ إلى صبرى 

لأبقى العمر منتظر

لحلم أهِ أنه حلم 

مابين اللحن والشعر 

سيد فهيم 

مات اللى مفروض ينحرس وعاش الحرس

**************

قبل الجرس سكت الجرس

ومات اللى مفروض ينحرس

وعاش الحرس 

سكت الجرس؟

قول إنخرس 

اتلخبط إتلعثم همس 

نزلت دموعه كالمطر

ومال على ناحيه وعبس

عد التلامذه فإكتشف 

خمسين برئ منهم نقص 

لا موجودين فى الحوش معاه 

ولا هما حاضرين الحصص 

ولما سأل لوحة الشرف

فين الولاد؟

ردت بصوتها المبتئس

وقالتله نقلوا نفسهم

من صفحتى لصفحة النور والونس 

ومات اللى مفروض ينحرس

وعاش الحرس

سيدفهيم

انا نسيت إسمى وبقيت بلا أسماء

**

مبقتش محتاج له ولا جسمى دا تاج له ** حلم فى رحاب النبى حواليا احبابه ** بالعشق صابونى وبشوقى سابونى ** فى حبهم بدفى والحب مش صدفه ** قابل اكون درويش مجذوب من المجاذيب ** مش يمكن القاهٌم لو غابوا بلقى هَمْ ** ودا ذنب سجّانى جسدى اللى شقّاتى ** وروحى اللى قيّدها ونفسى اللى قَايدها ** حب اللّى قيّدها لحد ما سَادها ** ويا تعيش فى سجن الجسد يا تنتهى بثوره ** على ذنبك اللى هوى بالعمر عبد الهوى ** خالفها تلقاهم وتبقى انت هٌم **

ياسارياً بالليل

يا ساريا بالليل أضناك الدجي

الدرب موحش والوصول محال

والعين من فيض البكاء تبخرت

والصبر أصبح بالفؤاد جبال

والمارقون من الغرام تكاثروا

جنبا لجنبي والبكاء سجال

فرض الزمان على الاحبة كلهم

عبث الهوى ورداءة الاحوال

ـــــــــــ